2014-imi akinik sanilliussinermit allannguutit
2014-imut sanilliullugu Kalaallit Nunaata Danmarkillu akornanni akit allanngorsimapput. Allanngortoqarsimaneranut uku pissutaasinnaapput.
Siullermik Kalaallit Nunaanni Danmarkimilu 2014-imi aamma 2016-imi akit assigiinngitsumik ineriartorsimasinnaapput.
Danmarkimi immuk akikillisimappat Kalaallit Nunaannilu allanngorsimanani, Danmarkimi akimut sanilliullugu Kalaallit Nunaanni immuk akitsorsimassaaq.
Piffissami pineqartumi Kalaallit Nunaanni Sukkulaatit, lakridsit, sukkunit atorlugit tunisassiat aamma snusit akitsuuserneqarput, taamaaliorneq akinut sunniuteqarpoq.
Aappaattut akit misissornerini misissukkat allanngorsimaneri sunniuteqarsinnaapput. 2014-ip 2016-illu akornanni elektronikkit misissukkat allanngornikuupput, pingajuattut taaneqarsinnaavoq akit tigulaagaanerisa kisitsisitigut paasissutissanik qulakkeerneqavissinnaannginnerannut sunniuteqarsinnaapput.
2016-imi Danmark Statistikimi nerisassat imigassallu akiinut paasissutissat stregkode atorlugu misissorneqartalerput. Nerisassaarniarfinni akit agguaqatigiissinnerat tassani pissarsiarineqartalerpoq. Amerlasuunngorlugit akikillisat misissuinermi ilanngunneqartalerput (ass. Pisiassat pingasut marluk nalinginik akilerlugit neqeroorutit), tamatuma kingunerisaanik Danmarkimi akit appariarput, tassa Danmarkimi neqeroorutit nalingi ilanngunneqartalermata. Kalaallit Nunaanni Danmarkimilu pisiassat assigiit misissuiffigineqarmata Danmarkimi misissueriaatsip allanngornera akit nikingassutaannut sunniuteqarpoq. 2016-imi 2014-imut sanilliullugu Kalaallit Nunaanni nerisassat, imigassat imigassallu aalakoornartortalli akisa qaffasinnerunerat Danmarkimi misissueriaatsip allanngorneranik pissuteqarpoq.
Pisiassat suut akii allanngornerpaajusimappat
Pisiassat ataasiakkaat Kalaallit Nunaanni Danmarkimi akinut sanilliullugu qaffariangaatsiarsimapput. Nerisassat aamma imigassat aalakoornartortallit akii 16,9 pct.-imik qaffarsimappat, imigassat aalakoornartortallit tupallu 28,3 pct.-imik qaffassimasut peqqinnissamut tunngasut 5,1 pct.-imik qaffassimasut.
Pisiassat ilaat 2014-imut sanilliullugit akii apparsimapput. Kalaallit Nunaanni Attaveqaqatigiinnermut pisiassat 20,8 pct.-inik apparsimavoq Danmarkimut sanilliullugu, sunngiffik aamma kulturimut tunngasut 11,6 pct.-imut apparsimasut. Neriniartarfiit aamma akunnittarfiit 7,1 pct.-inik Danmarkimut sanilliullugit apparsimapput.